MALIÝE TEHNOLOGIÝALARY YKDYSADY ÖSÜŞIŇ HEREKETLENDIRIJISI HÖKMÜNDE
Doly tekst
Gysgaça beýany
Häzirki zaman dünýäsinde maliýe tehnologiýalary («FinTech») ykdysady ösüşe itergi berýän möhüm faktor bolup durýar. Bu tehnologiýalar tranzaksiýalary amala aşyrmagyň, maliýe hyzmatlaryny bermegiň we töwekgelçiligi dolandyrmagyň usullaryny üýtgedýärler. «FinTech»-iň ykdysady ösüşe itergi bermekde, maliýe pudagynyň netijeliligini ýokarlandyrmakda we maliýe hyz-matlaryna sanly gurşaw arkaly elýeterligi üpjün etmekde möhüm ähmiýeti bardyr. «FinTech» uly göwrümli maglumatlar, emeli intellekt, bulut tehnologiýalary, blokçeýn, biometriýa we ş.m. innowasion tehnologiýalary ulanmak bilen, maliýe hyzmatlaryny bermegiň döwrebap tehnologiýasy bolup durýar. Bu tehnologiýa maliýe hyzmatlaryny özgertmek, ony has çeýe, netijeli we elýeterli etmek mümkinçiligine eýedir. Makalada «FinTech»-iň ykdysady ösüşe edýän täsiri seljerilýär. «FinTech»-iň ösüşinde intellektual tehnologiýalaryň ornuna, ýetirýän täsirine aýratyn üns berilýär. Makalada «FinTech»-iň ykdysady ösüşiň güýçli hereketlendirijisi bolup biljekdigi barada netijä gelindi. Maliýe tehnologiýalary ykdysadyýetiň, maliýe-bank ulgamynyň, işewürligiň ösüşine, goşmaça iş ýerleriniň döredilmegine we maliýe hyzmatlaryna elýeterliligiň gowulandyrylmagyna oňyn täsir eder. Bu makalanyň maksady maliýe tehnologiýalarynyň ykdysady ösüşe ýetirýän täsiri babatynda dünýä tejribesini öwrenmekden, maliýe pudagyna emeli intellekt we blokçeýn tehnologiýalarynyň täsirini seljermekden hem-de Türkmenistan üçin bu tehnologiýanyň ileri tutulýan ugurlaryny kesgitlemekden ybarat. Munuň üçin bu ugurdan ylmy edebiýatlar we dürli ýurtlarda ornaşdyrylan öňdebaryjy tejribe öwrenildi. Makalada deňeşdirme we ulgamlaýyn seljerme usuly ulanyldy.
Esasy sözler
maliýe tehnologiýalary, «FinTech», ykdysady ösüş, blokçeýn, emeli intellekt, bulut tehnologiýalary.Edebiýatlar
1. Financial Stability Implications from Fintech. Supervisory and Regulatory Issues that Merit Authorities’ Attention. URL: https://www.fsb.org/wp-content/uploads/R270617.pdf.
2. Евлоева, Л. Б. Финтех как новый вектор развития индустрии финансовых услуг // Вестник современных исследований. 2019. – № 8.1. С. 53–58.
3. https://www.worldbank.org/en/topic/fintech.
4. https://www.mckinsey.com/featured-insights/mckinsey-explainers/what-is-fintech
5. Shin Y. J., Choi Y. Feasibility of the FinTech industry as an innovation platform for sustainable economic growth in Korea //Sustainability. – 2019. –Т. 11. – №. 19. С. 5351.
6. Goldstein I., Jiang W., Karolyi G. A. To FinTech and beyond //The Review of Financial Studies.– 2019. – Т. 32. – №. 5. – С. 1647-1661.
7. Chen M. A., Wu Q., Yang B. How valuable is FinTech innovation? //The Review of Financial Studies. – 2019. – Т. 32. – №. 5. – С. 2062-2106.
8. Boot A. et al. Fintech: what’s old, what’s new? //Journal of financial stability. – 2021. – Т. 53. – С. 100836.
9. http://www.sberbank.ru/ru/person/blog/ chto-takoe-skoring-v-banke
10. https://kpmg.com/xx/en/home/insights/2021/08/pulse-of-fintech-h1-2021-global.html
11. https : / / www.statista.com/statistics/1420335/global-fintech-revenue-growth-forecast-by-segment